Meri Hatheli Mein Likkha Hua Dikhai De
meri hatheli mein likkha hua dikhai de
wo shaKHs mujh ko ba-rang-e-hina dikhai de
use jo dekhun to apna suragh paun main
isi ke nam mein apna pata dikhai de
rawish pe jalen us ki aahaTon se charagh
ajab KHiram hai aawaz-e-pa dikhai de
jo mehrban hai to kya mehrban KHafa to KHafa
kabhi kabhi to wo bilkul KHuda dikhai de
saman saman hai dhundalka dhuan dhuan manzar
jidhar bhi dekhun bas ek KHwab sa dikhai de
junun ne baKHsh din nazron ko wusaten kya kya
ki zarre zarre mein sahra bichha dikhai de
na meri tarah koi dekh le use 'bilqis'
main kyun bataun mujhe us mein kya dikhai de
Bilqis Zafirul Hasan 
(935) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544