Ek Muddat Se Use Dekha Nahin
ek muddat se use dekha nahin
ab magar kajal mera bahta nahin
ek maraz mein mubtala hai dil mera
kya maraz hai ye pata chalta nahin
dosti jab se hui tabir se
KHwab pichha hi mera karta nahin
ji nahin sakta hai wo mere bina
is qadar wishwas bhi achchha nahin
dur se aawaz deta hai koi
aur mere samne rasta nahin
sare mausam ek jaise ho gae
ab ye dil hansta nahin rota nahin
diary par aankh se Tapka hai kuchh
main ne koi sher to likkha nahin
Chandni Pandey 
(1394) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544