Is Tarah Kar Gaya Dil Ko Mere Viran Koi

is tarah kar gaya dil ko mere viran koi

na tamanna koi baqi hai na arman koi

har kali mein hai tere husn-e-dil-ara ki numud

ab ke daman hi bachega na gireban koi

mai-chakan lab nazar aawara nigahen gustaKH

yun mere pahlu se uTha hai ghazal-KHwan koi

zulf barham hai dil aashufta saba aawara

KHwab-e-hasti sa nahin KHwab pareshan koi

naghma-e-dard se ho jata hai aalam mamur

is tarah chheDta hai tar-e-rag-e-jaan koi

(1057) Peoples Rate This

Your Thoughts and Comments

Is Tarah Kar Gaya Dil Ko Mere Viran Koi In English By Famous Poet Chiragh Hasan Hasrat. Is Tarah Kar Gaya Dil Ko Mere Viran Koi is written by Chiragh Hasan Hasrat. Read famous Poem Is Tarah Kar Gaya Dil Ko Mere Viran Koi for youth and Student by Chiragh Hasan Hasrat. Free Download Is Tarah Kar Gaya Dil Ko Mere Viran Koi in PDF.