Aarzu Hai Wafa Kare Koi

aarzu hai wafa kare koi

ji na chahe to kya kare koi

gar maraz ho dawa kare koi

marne wale ka kya kare koi

koste hain jale hue kya kya

apne haq mein dua kare koi

un se sab apni apni kahte hain

mera matlab ada kare koi

chah se aap ko to nafrat hai

mujh ko chahe KHuda kare koi

is gile ko gila nahin kahte

gar maze ka gila kare koi

ye mili dad ranj-e-furqat ki

aur dil ka kaha kare koi

tum sarapa ho surat-e-taswir

tum se phir baat kya kare koi

kahte hain hum nahin KHuda-e-karim

kyun hamari KHata kare koi

jis mein lakhon baras ki huren hon

aisi jannat ko kya kare koi

is jafa par tumhein tamanna hai

ki meri iltija kare koi

munh lagate hi 'dagh' itraya

lutf hai phir jafa kare koi

(1467) Peoples Rate This

Your Thoughts and Comments

Aarzu Hai Wafa Kare Koi In English By Famous Poet Dagh Dehlvi. Aarzu Hai Wafa Kare Koi is written by Dagh Dehlvi. Read famous Poem Aarzu Hai Wafa Kare Koi for youth and Student by Dagh Dehlvi. Free Download Aarzu Hai Wafa Kare Koi in PDF.