Uske Dar Tak Kise Rasai Hai
us ke dar tak kise rasai hai
wo hi jaega jis ki aai hai
baat ek dil mein mere aai hai
gar kahun to abhi laDai hai
dusri jaan hai teri ulfat
ek khoi hai ek pai hai
bhar diya zaKHm mein namak us ne
ye dua-go ki munh-bharai hai
sach hai be-aib hai KHuda ki zat
tujh mein kya jaane kya burai hai
ai lab-e-yar tujh ko meri qasam
kabhi sachchi qasam bhi khai hai
us ke dar tak pahunch gaya qasid
aage taqdir ki rasai hai
qatl karti hai guftugu un ki
baat mein baat ki safai hai
'dagh' ab wasl ka visal hua
yar zinda gham-e-judai hai
Dagh Dehlvi 
(1149) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544