Tasalsul Se Guman Likkha Gaya Hai

tasalsul se guman likkha gaya hai

yaqin to na-gahan likkha gaya hai

mukammal ho chuki qir,at faza ki

parinde aur dhuan likkha gaya hai

mera do pal Thahar kar sans lena

sar-e-ab-e-rawan likkha gaya hai

ugaegi sitare ab ye miTTi

zamin par aasman likha gaya hai

kitab-e-ghaib paDhta ja raha hun

mera hona kahan likkha gaya hai

nahin likkha gaya kaghaz pe kuchh bhi

faqat aaindagan likkha gaya hai

(809) Peoples Rate This

Your Thoughts and Comments

Tasalsul Se Guman Likkha Gaya Hai In English By Famous Poet Daniyal Tareer. Tasalsul Se Guman Likkha Gaya Hai is written by Daniyal Tareer. Read famous Poem Tasalsul Se Guman Likkha Gaya Hai for youth and Student by Daniyal Tareer. Free Download Tasalsul Se Guman Likkha Gaya Hai in PDF.