Ek Sab Aag Ek Sab Pani

hamare gham juda the

qarya-e-dil ki faza aab o hawa

mausam juda the

sham tere jism ki diwar se chimTi hui thi

mujh ko kali raat khati thi

tujhe aawaz deti thi tere andar se uThti huk

mujh ko bhuk meri ruh se bahar bulati thi

tujhe panw mein paDti beDiyon ka rog lahaq tha

mujhe aazadi pe shak tha

tujhe apnon ne apne gher ka qaidi banaya tha

mujhe be-rishtagi ne zat ka bhedi banaya tha

musalsal likh par gardish mein rahna nachna

tera watira tha

meri ek apni duniya thi

mera apna jazira tha

koi dariya tha apne bich

hum donon kinare the

alag do kahkashaen thin

jahan ke hum sitare the

(1729) Peoples Rate This

Your Thoughts and Comments

Ek Sab Aag Ek Sab Pani In English By Famous Poet Daniyal Tareer. Ek Sab Aag Ek Sab Pani is written by Daniyal Tareer. Read famous Poem Ek Sab Aag Ek Sab Pani for youth and Student by Daniyal Tareer. Free Download Ek Sab Aag Ek Sab Pani in PDF.