KHush-fahmi-e-hunar Ne Sambhalne Nahin Diya

KHush-fahmi-e-hunar ne sambhalne nahin diya

mujh ko meri ana hi ne phalne nahin diya

chaha nae se riti-riwajon mein main Dhalun

lekin riwayaton ne hi Dhalne nahin diya

ek ek shai badalti gai mere aas-pas

haalat ne mujhe hi badalne nahin diya

chalna tha sath sath hamein umr-bhar magar

na-paedar umr ne chalne nahin diya

dil mai-kade ki samt chala tha magar use

is raste pe aql ne chalne nahin diya

anjam aarzu ka bura hai bas is liye

dil mein kabhi charagh ye jalne nahin diya

'darwesh' be-qarar raha dil tamam-umr

mauqa sukun ka ek bhi pal ne nahin diya

(537) Peoples Rate This

Your Thoughts and Comments

KHush-fahmi-e-hunar Ne Sambhalne Nahin Diya In English By Famous Poet Darvesh Bharti. KHush-fahmi-e-hunar Ne Sambhalne Nahin Diya is written by Darvesh Bharti. Read famous Poem KHush-fahmi-e-hunar Ne Sambhalne Nahin Diya for youth and Student by Darvesh Bharti. Free Download KHush-fahmi-e-hunar Ne Sambhalne Nahin Diya in PDF.