Ek KHwab Ka KHayal Hai Duniya Kahen Jise

ek KHwab ka KHayal hai duniya kahen jise

hai is mein ek tilism tamanna kahen jise

ek shakl hai tafannun-e-taba-e-jamal ki

is se ziyaada kuchh nahin duniya kahen jise

KHamyaza hai karishma-parasti-e-dahr ka

ahl-e-zamana aalam-e-uqba kahen jise

ek ashk armida-e-zabt-e-gham-e-firaq

mauj-e-hawa-e-shauq hai dariya kahen jise

ba-wasf-e-zabt-e-raaz mohabbat hai aashkar

uqda hai dil ka aqd-e-surayya kahen jise

barham-zan-e-hijab hai KHud-raftagi-e-husn

ek shan-e-be-KHudi hai zuleKHa kahen jise

aks-e-safa-e-qalb ka jauhar hai aaina

warafta-e-jamal KHud-ara kahen jise

ram-shewa hai sanam to hai ram-ashna ye dil

hasil hai mujh ko aish muhayya kahen jise

KHuni kafan ye saint ke rakkha hai kis liye

qatil wo hai ki rashk-e-masiha kahen jise

sab kuchh hai aur kuchh bhi nahin dahr ka wajud

'kaifi' ye baat wo hai muamma kahen jise

(1335) Peoples Rate This

Your Thoughts and Comments

Ek KHwab Ka KHayal Hai Duniya Kahen Jise In English By Famous Poet Dattatriya Kaifi. Ek KHwab Ka KHayal Hai Duniya Kahen Jise is written by Dattatriya Kaifi. Read famous Poem Ek KHwab Ka KHayal Hai Duniya Kahen Jise for youth and Student by Dattatriya Kaifi. Free Download Ek KHwab Ka KHayal Hai Duniya Kahen Jise in PDF.