Rahat Kahan Nasib Thi Jo Ab Kahin Nahin

rahat kahan nasib thi jo ab kahin nahin

wo aasman nahin hai ki ab wo zamin nahin

ho josh sidq-e-dil mein to rahat baghal mein ho

qaem ye aasman rahe ya zamin nahin

hubb-e-watan ko himmat-e-mardana chahiye

darkar aah sina-e-andoh-gin nahin

KHun-e-dil-o-jigar se ise sinch ai aziz

kisht-e-watan hai ye koi kisht-e-jawin nahin

haq-goi ki sada thi na rukni na ruk saki

kab war ki sinanen galon mein chubhin nahin

dagh-e-gham-e-watan hai nishan-e-aziz-e-KHalq

dil par na jis ka naqsh ho ye wo nagin nahin

jang-e-watan mein sidq ke hathiyar ka hai kaam

darkar is mein aslaha-e-ahin nahin

ghar-bar tera par tu kisi chiz ko na chheD

ye baat to harifon ki kuchh dil-nashin nahin

jis baat par aziz aDe hain aDe rahen

kahne den un ko unche gale se nahin nahin

kya jaane dil jigar ko mere jo ye kah gaya

daman bhi tar tar nahin aastin nahin

mabud hai watan hun parastar usi ka main

dair o haram mein jo jhuke ye wo jabin nahin

'kaifi' isi se KHairiyat-e-hind mein hai der

hubb-e-watan ka josh kahin hai kahin nahin

(683) Peoples Rate This

Your Thoughts and Comments

Rahat Kahan Nasib Thi Jo Ab Kahin Nahin In English By Famous Poet Dattatriya Kaifi. Rahat Kahan Nasib Thi Jo Ab Kahin Nahin is written by Dattatriya Kaifi. Read famous Poem Rahat Kahan Nasib Thi Jo Ab Kahin Nahin for youth and Student by Dattatriya Kaifi. Free Download Rahat Kahan Nasib Thi Jo Ab Kahin Nahin in PDF.