Gulshan-e-jag Mein Zara Rang-e-mohabbat Nin Hai

gulshan-e-jag mein zara rang-e-mohabbat nin hai

bulbul-e-dil kun kisi sath ab ulfat nin hai

aashnai seti mardum ke hun az bas bezar

ruKH-e-darpan ki taraf chashm kun raghbat nin hai

kya ajab hai jo diya jaan ko yakbar patang

ta-sahar shama kun jalne seti fursat nin hai

kyun gareban kun kiya chaak zi-sar-ta-daman

gul kun bulbul sun agar tarz-e-murawwat nin hai

mujh kun bawar nahin paigham-e-zabani qasid

kya sabab hai ki tere hath kitabat nin hai

muntaKHab kar ke waraq dil pe likhe hain ahbab

garche zahir mein mere sher ki shohrat nin hai

na-tawani sati barja hai alamat na karo

rang-e-'daud' kun parwaz ki taqat nin hai

(754) Peoples Rate This

Your Thoughts and Comments

Gulshan-e-jag Mein Zara Rang-e-mohabbat Nin Hai In English By Famous Poet Daud Aurangabadi. Gulshan-e-jag Mein Zara Rang-e-mohabbat Nin Hai is written by Daud Aurangabadi. Read famous Poem Gulshan-e-jag Mein Zara Rang-e-mohabbat Nin Hai for youth and Student by Daud Aurangabadi. Free Download Gulshan-e-jag Mein Zara Rang-e-mohabbat Nin Hai in PDF.