Jawaz
zindagi kitni hai ajib-o-gharib
zindagi kya hai ek tamasha hai
zindagi rahguzar-e-be-manzil
be-talab be-husul jina hai
hain faqat chand log hi muKHtar
aur baqi jo hain wo bande hain
kya phire hain gale mein laTkae
ranj-o-mazlumiyat ke phande hain
phir bhi jite hain kya KHabar kya ho
kuchh dawami nahin nizam-e-kohan
garche hai ye maqam-e-dard-o-mehan
kya KHabar manzil-e-digar kya ho
aaj har chand hain ba-haal-e-zabun
kaun jaane ki kal magar kya ho
Daud Ghazi 
(886) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544