Kuchh Yun Safar Ke Shauq Ne Manzar Dikhae Hain
kuchh yun safar ke shauq ne manzar dikhae hain
manzil ke pas aa ke qadam laDkhaDae hain
duniya ke dukh tumhaare sitam doston ke gham
kis kis ko hum bataen ki kis ke satae hain
aae hain ishq mein kabhi aise maqam bhi
aankhen thin ashk-bar to lab muskurae hain
akasr laga hai sach bhi mera jhuT aap ko
par sach yahi hai main ne bahut zaKHm khae hain
aisa laga ki jag uThe pattharon mein sar
jab bhi tumhaare honT kabhi gungunae hain
Devmani Pandey 
(830) Peoples Rate This