Zamin Apne Hi Mehwar Se HaT Rahi Hogi
zamin apne hi mehwar se haT rahi hogi
wo din bhi dur nahin zist chhaT rahi hogi
baDha raha hai ye ehsas meri dhaDkan ko
ghaDi mein sui ki raftar ghaT rahi hogi
main jaan lunga ki ab sans ghuTne wala hai
hare daraKHt se jab shaKH kaT rahi hogi
nae safar pe rawana kiya gaya hai tumhein
tumhaare panw se dharti lipaT rahi hogi
ghalat kaha tha kisi ne ye ganw walon se
chalo ki shahr mein KHairaat baT rahi hogi
falak ki samt uchhaali thi jal-pari main ne
sitare hath mein le kar palaT rahi hogi
badan mein phail rahi hai ye kaenat 'azar'
hamari aankh ki putli simaT rahi hogi
Dilawar Ali Aazar 
(943) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544