Shair Se Sher Suniye To Misra UThaiye
shair se sher suniye to misra uThaiye
ek bar agar na uTThe dobara uThaiye
koi kisi ki lash uThata nahin yahan
ab KHud hi apna apna janaza uThaiye
ighwa hi karna tha to koi kam the lakh-pati
kis ne kaha tha road se kangla uThaiye
koi qadam uThana to hai rah-e-shauq mein
agla qadam na uTThe to pichhla uThaiye
stage par paDa tha jo parda wo uTh chuka
jo aql par paDa hai wo parda uThaiye
poshida bam bhi hote hain kachre ke Dher mein
hushyar ho ke road se kachra uThaiye
Dilawar Figar 
(1215) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544