Dosto Tumne Bhi Dekhi Hai Wo Surat Wo Shabih
dosto tum ne bhi dekhi hai wo surat wo shabih
jo nigahon mein sama jati hai manzar ki tarah
mujh ko ek qatra-e-be-faiz samajh ke na guzar
phail jaunga kisi roz samundar ki tarah
shahr-ashob mein chizon ka koi qaht nahin
zaKHm milte hain dukanon mein gul-e-tar ki tarah
apne hathon ki lakiron mein nahin hai shayad
hae wo zulf jo khul jae muqaddar ki tarah
mujh se itrao na yaro ki mujhe hai malum
aap ka ghar ki shikasta hai mere ghar ki tarah
dil ne kuchh KHwab to dekhe the magar kya kije
wo bhi gum ho gae talab mein patthar ki tarah
Dilkash Sagari 
(785) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544