Kya Kisi Ki Talab Nahin Hoti

kya kisi ki talab nahin hoti

shairi be-sabab nahin hoti

jaane kis dhun mein bhage jate hain

justuju ji mein kab nahin hoti

ba-adab dushmani ko kya roen

dosti ba-adab nahin hoti

chand us waqt bhi to hota hai

jab kisi ghar mein shab nahin hoti

hum ne duniya mein kya nahin dekha

hashr ki fikr ab nahin hoti

mai-kade mein bhi kuchh na kuchh to hai

bhiD yun hi ghazab nahin hoti

kaun sachcha hai kaun jhuTa hai

ye jirah hum se ab nahin hoti

(564) Peoples Rate This

Your Thoughts and Comments

Kya Kisi Ki Talab Nahin Hoti In English By Famous Poet Dinesh Thakur. Kya Kisi Ki Talab Nahin Hoti is written by Dinesh Thakur. Read famous Poem Kya Kisi Ki Talab Nahin Hoti for youth and Student by Dinesh Thakur. Free Download Kya Kisi Ki Talab Nahin Hoti in PDF.