Jhurriyon Ki Qatar Dekho To
jhurriyon ki qatar dekho to
umr se apni haar dekho to
huk be-iKHtiyar uThti hai
apne jab iKHtiyar dekho to
jhil kahte ho tum jin aankhon ko
un mein hain aabshaar dekho to
jaane kya kya nazar wo aata hai
jab use bar bar dekho to
ghair-mumkin hai ittihad miyan
qaum mein intishaar dekho to
wasl se aap hi gurezan hon
lazzat-e-intizar dekho to
do hi misron mein hai mukammal nazm
wusat-e-iKHtiyar dekho to
Dr. Azam 
(1330) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544