Pur-lutf Sukun-baKHsh Hawaen Bhi Bahut Thin
pur-lutf sukun-baKHsh hawaen bhi bahut thin
gulshan mein tassub ki wabaen bhi bahut thin
KHud main ne hi rakkha na KHayal apna kabhi bhi
ghairon ki kuchh apnon ki jafaen bhi bahut thin
surat pe ujale the agar shams-o-qamar ke
zulfon ki siyahi mein ghaTaen bhi bahut thin
thi ahd-e-jawani mein mohabbat hi mohabbat
na-karda gunahon ki sazaen bhi bahut thin
mabhut the mashur the sab dekh ke us ko
shaffaf sarapa tha adaen bhi bahut thin
har waqt mere sath the asbab-e-tabahi
qismat thi KHarab apni KHataen bhi bahut thin
ek rose qaza le gai bimar ko 'azam'
the jab ki masiha bhi dawaen bhi bahut thin
Dr. Azam 
(760) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544