Shauq Baqi Nahin Baqi Nahin Ab Josh-o-KHarosh
shauq baqi nahin baqi nahin ab josh-o-KHarosh
din wo pur-kaif the jab hum the sarasar madhosh
maslahat josh-e-baghawat ko daba deti hai
dil dhaDakta hai magar dil ki sadaen KHamosh
ab koi surat-e-guftar nazar aati nahin
wo bhi KHamosh mera radd-e-amal bhi KHamosh
teri raftar lagatar ho kachhue ki tarah
warna rah jaega tu rah mein misl-e-KHargosh
zist ki rah pe tanha na kabhi chal paya
gham-e-jaanan gham-e-dauran bhi rahe dosh-ba-dosh
samna dahr ka tanha use ab karne de
panw mein beTe ke aane lage teri pa-posh
bazm-e-urdu se hui der bahut aae hue
ab talak sans mein KHushbu hai moattar hain gosh
ab to ghar-bar mein lagta hi nahin dil 'azam'
aisa lagta hai ki ho jaenge hum KHana-ba-dosh
Dr. Azam 
(824) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544