Zoam Ka Hi To Aariza Hai Mujhe
zoam ka hi to aariza hai mujhe
mera main hi to kha gaya hai mujhe
aatish zer-e-pa Thaharne na de
ab to manzil bhi rasta hai mujhe
dard to kam nahin magar us ne
KHugar-e-zabt kar diya hai mujhe
KHud-gharaz bewafa haqir-o-faqir
us ne kya kya nahin kaha hai mujhe
main talabgar tha masarrat ka
daftar-e-ranj-o-gham mila hai mujhe
main ne ashaar kab likhe 'azam'
mere ashaar ne likha hai mujhe
Dr. Azam 
(902) Peoples Rate This