Yaad Teri Jo Kabhi Aati Hai Bahlane Ko

yaad teri jo kabhi aati hai bahlane ko

aur diwana bana jati hai diwane ko

hum bataenge tumhein shana-o-gesu ke rumuz

KHatm kar lo haram-o-dair ke afsane ko

us ko mahfil mein jo dekha tapish-e-gham ka sharik

le liya shama ne aaghosh mein parwane ko

baada-kash waiz-e-kaj-fahm se kya bahs karen

us ne dekha hai bahut dur se maiKHane ko

jab na ehsan rahega na kahani us ki

aap dohraenge 'ehsan' ke afsane ko

(469) Peoples Rate This

Your Thoughts and Comments

Yaad Teri Jo Kabhi Aati Hai Bahlane Ko In English By Famous Poet Ehsan Darbhangavi. Yaad Teri Jo Kabhi Aati Hai Bahlane Ko is written by Ehsan Darbhangavi. Read famous Poem Yaad Teri Jo Kabhi Aati Hai Bahlane Ko for youth and Student by Ehsan Darbhangavi. Free Download Yaad Teri Jo Kabhi Aati Hai Bahlane Ko in PDF.