Main
mera jism
ye nila gahra phailta pani
us ki lahr lahr se ubhra
mere lahu ka chand
us ke andar phuTe
tere jism se naram kanwal
us ke ufuq se nikla chamka
mera soch ka suraj
kaun kahe main KHaki hun
miTTi to bojhal
baiTh gai to baiTh gai
main pani ka sangit
main bahta dariya
lahu ka chand kanwal ka jhula soch ka suraj
kaise kaise bahta jae
Ejaz Farooqi 
(745) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544