Mahmil Hai Matlub Na Laila Mangta Hai

mahmil hai matlub na laila mangta hai

chaak-gireban qais to sahra mangta hai

hijr sar-e-virana-e-jaan bhi mohr-ba-lab

wasl gali-kuchon mein charcha mangta hai

is aaina-KHane ka har raqs-kunan

apne samne apna tamasha mangta hai

na-ummidi lakh qafas ijad kare

tair-e-dil parwaz-e-tamanna mangta hai

umr bitata hai imroz mein aur makin

darwaze par dastak-e-farda mangta hai

dhup jawani ka yarana apni jagah

thak jata hai jism to saya mangta hai

bandh sag-e-awara chaukhaT ke andar

ek musafir tujh se rasta mangta hai

log tawalat se ghabraate hain warna

ek zamana sidha rasta mangta hai

(682) Peoples Rate This

Your Thoughts and Comments

Mahmil Hai Matlub Na Laila Mangta Hai In English By Famous Poet Ejaz Gul. Mahmil Hai Matlub Na Laila Mangta Hai is written by Ejaz Gul. Read famous Poem Mahmil Hai Matlub Na Laila Mangta Hai for youth and Student by Ejaz Gul. Free Download Mahmil Hai Matlub Na Laila Mangta Hai in PDF.