Thin Ek Sukut Se Zahir Mohabbaten Apni
thin ek sukut se zahir mohabbaten apni
ab aansuon ne bhi baKHshen inayaten apni
ki barg-ha-e-KHizan dada-jun uDae hue
kashan kashan liye phirti hain wahshaten apni
sabhi ko shak hai ki KHud hum mein bewafai hai
kahan kahan na hui hain shikayaten apni
chale jahan se the ab aao lauT jaen wahin
nikalin rahon ne hum se adawaten apni
kuchh aur kar degi bojhal faza ko KHamoshi
chalo ki shor machaen shararten apni
hamara jo bhi talluq tha us ke dam se tha
lo aaj KHatm huin sab riqabaten apni
Ejaz Obaid 
(875) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544