Ai Gham-e-dil Ye Majra Kya Hai
ai gham-e-dil ye majra kya hai
dard-e-ulfat se wasta kya hai
rahne do in hasin wadon ko
jhuTe wade hain sab naya kya hai
jam-o-mina ko chhoD kar dekho
chashm-e-saqi ka ye nasha kya hai
shoala-e-gham ko aur bhaDkae
kaun samjhe ki ye hua kya hai
chhin gaya hai sukun bhi mera
aashiqi ne mujhe diya kya hai
chaaragar koi bhi na jaan saka
maut aur ishq ki dawa kya hai
kya bharosa hai zindagani ka
jaane taqdir mein likha kya hai
chashm-e-pur-nam magar labon pe hansi
dil mein 'mona' tere chhupa kya hai
Elizabeth Kurian Mona 
(1089) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544