Nahin Ki Zinda Hai Bas Ek Meri Zat Mein Ishq
nahin ki zinda hai bas ek meri zat mein ishq
main sach kahun to faqat hai hi kaenat mein ishq
main ishq-zad charaghon ki bazm mein raha hun
so jal raha hai abhi mere daen hat mein ishq
wo husn nur ki barish mein jab naha raha tha
machal raha tha bahut tab tajalliyat mein ishq
main sochta hun ki kya hota dahr mein har su
agar na hota kahin tere shash-jahat mein ishq
qalam se likkha gaya hai waraq pe harf-e-sukut
taDap raha hai meri nilgun dawat mein ishq
kahin pe zinda hai ye jit ke har ek bazi
kahin pe raushaniyan kar raha hai mat mein ishq
kahin hain duniya ki ranginiyan taaqub mein
kahin jhalakta hai meri har ek baat mein ishq
Ezaz Kazmi 
(8133) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544