Tere Baghair Lag Raha Hai Ye Safar KHamosh Hai
tere baghair lag raha hai ye safar KHamosh hai
hawa thami hui hai aur rahguzar KHamosh hai
hain apni apni ja pe donon muztarib ki kya karen
teri nigah mein shor hai meri nazar KHamosh hai
teri sadaen aa nahin rahi hain is sukut mein
ki honT hil rahe hain tere tu magar KHamosh hai
pukarta hun apne-ap ko ki mar na jaun main
magar pukar par meri tarah nagar KHamosh hai
koi to gung rah gaya kisi ko sanp Das gaya
ki baam chup hai dar khula paDa hai ghar KHamosh hai
(8572) Peoples Rate This