Tumhaare Baad Jo Bikhre To Ku-ba-ku Hue Hum
tumhaare baad jo bikhre to ku-ba-ku hue hum
phir is ke baad kahin apne ru-ba-ru hue hum
tamam umr hawa ki tarah guzari hai
agar hue bhi kahin to kabhu kabhu hue hum
yun gard-e-rah bane ishq mein simaT na sake
phir aasaman hue aur chaar-su hue hum
rahi hamesha darida qaba-e-jism tamam
kabhi na dast-e-hunar-mand se rafu hue hum
KHud apne hone ka har ek nishan miTa Dala
'shanas' phir kahin mauzu-e-guftugu hue hum
Faheem Shanas Kazmi 
(858) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544