Namak Ki Roz Malish Kar Rahe Hain

namak ki roz malish kar rahe hain

hamare zaKHm warzish kar rahe hain

suno logon ko ye shak ho gaya hai

ki hum jine ki sazish kar rahe hain

hamari pyas ko rani bana len

kai dariya ye koshish kar rahe hain

mere sahra se jo baadal uThe the

kisi dariya pe barish kar rahe hain

ye sab pani ki KHali botalen hain

jinhen hum nazr-e-atish kar rahe hain

abhi chamke nahin 'ghaalib' ke jute

abhi naqqad polish kar rahe hain

teri taswir, pankha, mez, muflar

mere kamre mein gardish kar rahe hain

(2308) Peoples Rate This

Your Thoughts and Comments

Namak Ki Roz Malish Kar Rahe Hain In English By Famous Poet Fahmi Badayuni. Namak Ki Roz Malish Kar Rahe Hain is written by Fahmi Badayuni. Read famous Poem Namak Ki Roz Malish Kar Rahe Hain for youth and Student by Fahmi Badayuni. Free Download Namak Ki Roz Malish Kar Rahe Hain in PDF.