KHakam-ba-dahan
main aazim-e-mai-KHana thi kal raat ki dekha
ek kucha-e-pur-shor mein ashab-e-tariqat
the dast o gireban
KHakam-ba-dahan pech amamon ke khule the
fatwon ki wo bochhaD ki tabqat the larzan
dastan-e-mubarak mein thin rishan-e-mubarak
mu-ha-e-mubarak the fazaon mein pareshan
kahte the wo baham ki harifan-e-siyah-ru
kuffar hain bad-KHu
zindiq hain malun hain bante hain musalman
hatif ne kaha ro ke ki ai rab-e-samawat!
la-raib sarasar hain baja donon ke fatwat
KHilqat hai bahut un ke azabon se hirasan
ab un ki hon amwat!
Fahmida Riaz 
(1358) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544