Be-dam Hue Bimar Dawa Kyun Nahin Dete
be-dam hue bimar dawa kyun nahin dete
tum achchhe masiha ho shifa kyun nahin dete
dard-e-shab-e-hijran ki jaza kyun nahin dete
KHun-e-dil-e-wahshi ka sila kyun nahin dete
miT jaegi maKHluq to insaf karoge
munsif ho to ab hashr uTha kyun nahin dete
han nukta-waro lao lab o dil ki gawahi
han naghmagaro saz-e-sada kyun nahin dete
paiman-e-junun hathon ko sharmaega kab tak
dil walo gareban ka pata kyun nahin dete
barbaadi-e-dil jabr nahin 'faiz' kisi ka
wo dushman-e-jaan hai to bhula kyun nahin dete
Faiz Ahmad Faiz 
(4660) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544