Kiye Aarzu Se Paiman Jo Maal Tak Na Pahunche
kiye aarzu se paiman jo maal tak na pahunche
shab-o-roz-e-ashnai mah o sal tak na pahunche
wo nazar baham na pahunchi ki muhit-e-husn karte
teri did ke wasile KHad-o-KHal tak na pahunche
wahi chashma-e-baqa tha jise sab sarab samjhe
wahi KHwab mo'tabar the jo KHayal tak na pahunche
tera lutf wajh-e-taskin na qarar sharah-e-gham se
ki hain dil mein wo gile bhi jo malal tak na pahunche
koi yar jaan se guzra koi hosh se na guzra
ye nadim-e-yak-do-saghar mere haal tak na pahunche
chalo 'faiz' dil jalaen karen phir se arz-e-jaanan
wo suKHan jo lab tak aae pe sawal tak na pahunche
Faiz Ahmad Faiz 
(2260) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544