Dhaka Se Wapsi Par
hum ki Thahre ajnabi itni mudaraaton ke baad
phir banenge aashna kitni mulaqaton ke baad
kab nazar mein aaegi be-dagh sabze ki bahaar
KHun ke dhabbe dhulenge kitni barsaton ke baad
the bahut bedard lamhe KHatm-e-dard-e-ishq ke
thin bahut be-mehr subhen mehrban raaton ke baad
dil to chaha par shikast-e-dil ne mohlat hi na di
kuchh gile shikwe bhi kar lete munajaton ke baad
un se jo kahne gae the 'faiz' jaan sadqe kiye
an-kahi hi rah gai wo baat sab baaton ke baad
Faiz Ahmad Faiz 
(4382) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544