Mere Milne Wale

wo dar khula mere gham-kade ka

wo aa gae mere milne wale

wo aa gai sham apni rahon mein

farsh-e-afsurdagi bichhane

wo aa gai raat chand taron ko

apni aazurdagi sunane

wo subh aai damakte nashtar se

yaad ke zaKHm ko manane

wo dopahar aai, aastin mein

chhupae shoalon ke taziyane

ye aae sab mere milne wale

ki jin se din raat wasta hai

pe kaun kab aaya, kab gaya hai

nigah o dil ko KHabar kahan hai

KHayal su-e-watan rawan hai

samundaron ki ayal thame

hazar wahm-o-guman sambhaale

kai tarah ke sawal thame

(2224) Peoples Rate This

Your Thoughts and Comments

Mere Milne Wale In English By Famous Poet Faiz Ahmad Faiz. Mere Milne Wale is written by Faiz Ahmad Faiz. Read famous Poem Mere Milne Wale for youth and Student by Faiz Ahmad Faiz. Free Download Mere Milne Wale in PDF.