Tanhai
phir koi aaya dil-e-zar nahin koi nahin
rah-rau hoga kahin aur chala jaega
Dhal chuki raat bikharne laga taron ka ghubar
laDkhaDane lage aiwanon mein KHwabida charagh
so gai rasta tak tak ke har ek rahguzar
ajnabi KHak ne dhundla diye qadmon ke suragh
gul karo shamen baDha do mai o mina o ayagh
apne be-KHwab kiwaDon ko muqaffal kar lo
ab yahan koi nahin koi nahin aaega
Faiz Ahmad Faiz 
(6874) Peoples Rate This