Tin Manzar
tasawwur
shoKHiyan muztar-nigah-e-dida-e-sarshaar mein
ishraten KHwabida rang-e-ghaza-e-ruKHsar mein
surKH honTon par tabassum ki ziyaen jis tarah
yasman ke phul Dube hon mai-e-gulnar mein
samna
chhanti hui nazron se jazbaat ki duniyaen
be-KHwabiyan afsane mahtab tamannaen
kuchh uljhi hui baaten kuchh bahke hue naghme
kuchh ashk jo aankhon se be-wajh chhalak jaen
ruKHsat
fasurda ruKH labon par ek niyaz aamez KHamoshi
tabassum muzmahil tha marmarin hathon mein larzish thi
wo kaisi be-kasi thi teri pur-tamkin nigahon mein
wo kya dukh tha teri sahmi hui KHamosh aahon mein
Faiz Ahmad Faiz 
(2162) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544