Tumhaare Husn Ke Nam

salam likhta hai shaer tumhaare husn ke nam

bikhar gaya jo kabhi rang-e-pairahan sar-e-baam

nikhar gai hai kabhi subah dopahar kabhi sham

kahin jo qamat-e-zeba pe saj gai hai qaba

chaman mein sarw-o-sanobar sanwar gae hain tamam

bani bisat-e-ghazal jab Dubo liye dil ne

tumhaare saya-e-ruKHsar-o-lab mein saghar-o-jam

salam likhta hai shaer tumhaare husn ke nam

tumhaare hath pe hai tabish-e-hina jab tak

jahan mein baqi hai dildari-e-urus-e-suKHan

tumhaara husn jawan hai to mehrban hai falak

tumhaara dam hai to dam-saz hai hawa-e-watan

agarche tang hain auqat saKHt hain aalam

tumhaari yaad se shirin hai talKHi-e-aiyyam

salam likhta hai shaer tumhaare husn ke nam

(1564) Peoples Rate This

Your Thoughts and Comments

Tumhaare Husn Ke Nam In English By Famous Poet Faiz Ahmad Faiz. Tumhaare Husn Ke Nam is written by Faiz Ahmad Faiz. Read famous Poem Tumhaare Husn Ke Nam for youth and Student by Faiz Ahmad Faiz. Free Download Tumhaare Husn Ke Nam in PDF.