Ishq-abaad Ki Sham
jab suraj ne jate jate
ishq-abaad ke nile ufuq se
apne sunahri jam mein Dhaali
surKHi-e-awwal sham
aur ye jam
tumhaare samne rakh kar
tum se kiya kalam
kaha parnam
uTho
aur apne tan ki sej se uTh kar
ek shirin paigham
sabt karo us sham
kanar-e-jam
kisi ke nam
shayad tum ye man gain
aur tum ne
apne lab-e-gulfam
kiye anjam
kisi ke nam
kanar-e-jam
ya shayad
tum apne tan ki sej pe saj kar
thin yun mahw-e-aram
ki rasta takte takte
bujh gai sham-e-jam
ishq-abaad ke nile ufuq par
ghaarat ho gai sham
Faiz Ahmad Faiz 
(6532) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544