Tamam Husn-o-maani Ka Rang UDne Laga

tamam husn-o-maani ka rang uDne laga

khili jo dhup to pani ka rang uDne laga

ishaara karti hain chehre ki jhurriyan chup-chap

to kya badan se jawani ka rang uDne laga

jadid rang mein aaya jo misra-e-ula

hasad se misra-e-sani ka rang uDne laga

kitab-e-zist ke mafhum ko samajhte hi

yahan baDe baDe gyani ka rang uDne laga

jo daimi tha wahi rah gaya hai zehnon mein

jo aarzi tha kahani ka rang uDne laga

meri nazar se mili 'faiz' jab nazar us ki

to mere dushman-e-jaani ka rang uDne laga

(684) Peoples Rate This

Your Thoughts and Comments

Tamam Husn-o-maani Ka Rang UDne Laga In English By Famous Poet Faiz Khalilabadi. Tamam Husn-o-maani Ka Rang UDne Laga is written by Faiz Khalilabadi. Read famous Poem Tamam Husn-o-maani Ka Rang UDne Laga for youth and Student by Faiz Khalilabadi. Free Download Tamam Husn-o-maani Ka Rang UDne Laga in PDF.