Surahi Muzmahil Hai Mai Ka Piyala Thak Chuka Hai

surahi muzmahil hai mai ka piyala thak chuka hai

dar-e-saqi pe har ek aane wala thak chuka hai

andhero aao aa kar tum hi kuchh aaram de do

ki chalte chalte bechaara ujala thak chuka hai

adawat ki dararen waisi ki waisi hain ab tak

wo bharte bharte ulfat ka masala thak chuka hai

mujhe luTa zarurat ki yahan har company ne

musalsal karte karte dil kifalat thak chuka hai

suKHan mein kuchh nae majmua le kar aaiye aap

purani shairi se har risala thak chuka hai

bata ai 'faiz' aaKHir ganw ja kar kya karega

tu jis ke nam ki japta tha mala thak chuka hai

(781) Peoples Rate This

Your Thoughts and Comments

Surahi Muzmahil Hai Mai Ka Piyala Thak Chuka Hai In English By Famous Poet Faiz Khalilabadi. Surahi Muzmahil Hai Mai Ka Piyala Thak Chuka Hai is written by Faiz Khalilabadi. Read famous Poem Surahi Muzmahil Hai Mai Ka Piyala Thak Chuka Hai for youth and Student by Faiz Khalilabadi. Free Download Surahi Muzmahil Hai Mai Ka Piyala Thak Chuka Hai in PDF.