Bahut Sa Kaam To Pahle Hi Kar Liya Maine
bahut sa kaam to pahle hi kar liya main ne
jahan jahan mujhe Darna tha Dar liya main ne
KHala mein girwi rakkha apne sare KHwabon ko
aur is zamin pe chhoTa sa ghar liya main ne
bahut shadid tawajjoh ka samna tha mujhe
so ek gilass ko pani se bhar liya main ne
KHuda jahaz ke andar se rizq phenkta tha
KHuda ka shukr hai kuchh catch kar liya main ne
hawa mein hath ghumaya ghazal nahin aai
uchak ke phul hi kaghaz pe dhar liya main ne
tamam dost samundar ke par jaane lage
par ek dil ko to sahil pe dhar liya main ne
Faizan Hashmi 
(902) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544