Kahani ODh Li Maine
zamana chahta hai har-ghaDi bas nit-nai baaten
nae din aur nai shamen nai subhen nai raaten
nai qasmen nae wade nae rishte nae nate
purane jo bhi qisse the wo ab us ko nahin bhate
main KHud lafzon ki misron ki baham takrar se jaanan
bahut ukta gai thi ab
to main ne yun kiya lafzon ko misron ko
lapeTa surKH kaghaz mein
phir un ko man mein raqsan aag dikhla di
hawa mein rakh ke uDte hue zarron ne jab puchha
karegi kya
sunegi kya kahegi kya
tera daman to KHali hai
kaha main ne
mujhe ab kuchh nahin karna
mujhe ab kuchh nahin sunna mujhe ab kuchh nahin kahna
kahani oDh li main ne
Fakhira Batool 
(1560) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544