Masiha

KHuda ne jab shifa taqsim ki sare zamane mein

tumhaari ungliyon par us ne apne hath se likkha

kisi bimar ko chhu lo

shifa us ka muqaddar hai

tum har bimar ko apna samajhte ho

mudawa us ka karte ho

har ek bimar ke chehre pe raunaq tum se qaem hai

dua isai ki tum ko lag gai shayad

tumhi ummid ho us ki

shifa hathon pe tum ne rab se likhwa li

masiha ho

doctor haidar shiraazi ke nam