Ye Tamanna Hai Ki Is Tarah Musalman Hota

ye tamanna hai ki is tarah musalman hota

main tere husn pe sau jaan se qurban hota

aalam-e-josh-e-junun mein jo ada hoti namaz

sar mera sar kahan hota dar-e-jaanan hota

kuchh tamanna hai to bas ye hai mohabbat mein mujhe

mere hathon mein mere yar ka daman hota

tu agar apna bana leta mujhe mere sanam

kyun mohabbat mera chaak-e-gareban hota

sab karishma hai faqat rang-e-dui ka warna

mazhab-e-pir-e-mughan mushrib-e-rindan hota

na dikhate mujhe jalwa magar itna karte

aap ka gham meri taskin ka saman hota

tham kar main tere daman ka 'fana' ho jata

kash is tarah mukammal mera iman hota

(1192) Peoples Rate This

Your Thoughts and Comments

Ye Tamanna Hai Ki Is Tarah Musalman Hota In English By Famous Poet Fana Bulandshahri. Ye Tamanna Hai Ki Is Tarah Musalman Hota is written by Fana Bulandshahri. Read famous Poem Ye Tamanna Hai Ki Is Tarah Musalman Hota for youth and Student by Fana Bulandshahri. Free Download Ye Tamanna Hai Ki Is Tarah Musalman Hota in PDF.