Aah Ab Tak To Be-asar Na Hui
aah ab tak to be-asar na hui
kuchh tumhin ko meri KHabar na hui
sham se fikr-e-subh kya shab-e-hijr
mar rahenge agar sahar na hui
kis se dil ka suragh paenge hum
tu hi ai aarzu agar na hui
KHalq samjhi mujhi ko diwana
chaara farmae chaaragar na hui
kuchh nazar kah gai zaban na khuli
baat un se hui magar na hui
shikwa kya un se KHun-e-nahaq ka
zindagi thi hui basar na hui
hashr ka din bhi Dhal gaya 'fani'
dil ki rudad muKHtasar na hui
Fani Badayuni 
(807) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544