Dil Aur Dil Mein Yaad Kisi KHush-KHiram Ki
dil aur dil mein yaad kisi KHush-KHiram ki
sine mein hashr le ke chale hain jahan se hum
ab chaarasazi-e-dil bimar kya karen
ai marg-e-na-gahan tujhe laen kahan se hum
allah rakkhe hum ko sahaara hai zof ka
baiThe to phir uThenge na is aastan se hum
kya kya diye fareb gham-e-ishq-e-yar ne
dil hum se bad-guman hai aur raaz-dan se hum
Fani Badayuni 
(758) Peoples Rate This