Har Tabassum Ko Chaman Mein Girya-saman Dekh Kar
har tabassum ko chaman mein girya-saman dekh kar
ji laraz jata hai in ghunchon ko KHandan dekh kar
aaKHir aaKHir hosh hi wahshat bhi tha hairat bhi tha
dil ko aalam-afrin sahra-bad-aman dekh kar
shewa apna gham-parasti qibla apna KHak-e-dil
ruh-e-gham ko paikar-e-KHaki mein insan dekh kar
har tasalli se siwa hoti gai dil ki taDap
dard kuchh se kuchh hua saman-e-darman dekh kar
us ko inam-e-KHudi aur is par lutf-e-be-KHudi
wo karam karte hain zarf-e-ahl-e-irfan dekh kar
maani-e-surat mein hum ne teri surat dekh li
teri qudrat dekh li insan ko insan dekh kar
qabr-e-'fani' par main wo barchida-daman ai nasim
muntashir kar KHak lekin un ka daman dekh kar
Fani Badayuni 
(950) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544