Kya Kahiye Ki Bedad Hai Teri Bedad
kya kahiye ki bedad hai teri bedad
tufan-e-mohabbat ki hai zad mein fariyaad
dil mahshar-e-be-KHudi hai allah allah
yaad aur kisi bhul jaane wale ki yaad
pabandi-e-rasm-e-bar-tarf kyun ai maut
un ke bhi kiye hain tu ne qaidi aazad
allah ye bijliyan na kaam aaengi
aandhi hi se kyun ho aashiyana barbaad
duniya jise kahta hai zamana 'fani'
hai ek tilism ijtima azdad
Fani Badayuni 
(773) Peoples Rate This