Maya-e-naz-e-raaz Hain Hum Log
maya-e-naz-e-raaz hain hum log
mahram-e-raaz-e-naz hain hum log
bazm-e-dil mein diya na aish ko bar
sahib-e-imtiyaz hain hum log
hum se milti hai barq-e-tur ko dad
wo tabassum-nawaz hain hum log
aql aajiz hai be-KHabar hai hosh
chashm-e-bad-dur raaz hain hum log
hashr-e-ummid se murad hain hum
gila-ha-e-daraaz hain hum log
teri naz-afriniyan hain gawah
ki sarapa niyaz hain hum log
husn be-jalwa kuchh sahi 'fani'
jalwa-e-jalwa-saz hain hum log
Fani Badayuni 
(893) Peoples Rate This